Ақын өлеңдері жинағы ✍️

Көктемеде көшеді бұлт асығып,
Алабұртып, ағараңдап, ашылып...
Жарқырайды жауған тамшы бізге ұқсап,
Сарқырайды, бір үдеп, бір басылып.
Құнттай білсең қандай сол бір қас қағым!
Сұлулықты сыйлап жатыр аспаның.
Табиғаттың бұл ғажайып сыйынан,
Қолшатырға тығылып не қашқаның?
Тың шаруға тағы да әне кірісті,
Біле тұра пайдалы бұл жұмысты, –
Бізді тастап тасқынға іле жүгірді,
Тастай қылып бітіргелі бір істі...
Не істер едің, орынына сол шебер, –
ұстасымақ – соқыр жауын болса егер.