Ақын өлеңдері жинағы ✍️

Қар соңынан келер көктем қайтадан,
қызғалдақтар қырда тұнып, айтар ән.
Ұмтылғанмен, қондырар ма сенi ендi
көк көлдерiң он сегiзде шайқаған?!
Жастық тұнып жанардағы кесеңде,
арулардың үнi естiлмей көшеңде;
бағың-дағы баяғыдай шуламай,
тынар ма үнсіз сөзден қалған шешендей?!
Көздердi ойлап сезiм отын мол жаққан,
кездердi ойлап желтоқсанда жол қаққан,
жолаушыдай бiз де отырар ма екенбiз
жадап-жүдеп ой деген бiр толғақтан?!
Қар астында қырмызы гүл, сән қалып,
қыр астында бiз шырқайтын ән қалып…
Жабығар ма?.. Жалығар ма екенбiз,
Дүниеге жаңа туған таң қалып?!.
қараша, 1981 жыл.