Ақын өлеңдері жинағы ✍️

Ауыл түнгi ұйқыда. Борасында.
Қаракер ат жусайды қорасында.
Әлденеге көңiлiм елегiзiп,
ән асылып барады Қара шыңға.
Ұлыйды жел...Талықсып үн келедi,
ұйықтатардай сиқыр ән түнде менi.
«Сағындым, деп, көктемдi, сағындым» – деп,
желдiң үнi келедi, мұң келедi.
Шалқып-шалқып жетедi, жүз бұралып:
«Сағындым, деп, көктемдi...» Қыздың әнi.
«Сағындым, деп, көктемдi...
Сағындым», деп,
ақ қағазды мен-дағы сызғыладым...
Ауыл түнгi ұйқыда... Борасында...
Қаракер ат жусайды қорасында.
Әлденеге көңiлiм елегiзiп,
кетiп қалғым келедi Қара шыңға.
Ауыл түнгi ұйқыда... Борасында...
қаңтар, 1969 жыл.