Ақын өлеңдері жинағы ✍️

Жұлдыз жауды...
Аспаннан Ай құлады,
елең еттi сезiмнiң айқұлағы.
Айқара ашып құшағын масаң көше,
әлденеге қайыңдар қайғырады.
Қайғырады...
Нелiктен түсiнбедiм?!
(Өңiм емес, мен мұны түсiм дедiм).
Көшесiнде Абайдың – түнгi он екi...
«Аспаным... Түнiм... Құсым...» дедiм.
Құштым сенi қанша уақ? Жоқ есiмде...
Теңiзшiдей дауылда, кемесiнде
тоғыз валды күй кешiп келе жаттық,
толқын-толқын көшенiң төбесiнде.
Жұлдыз жауды...
Аспаннан ай құлады...
Елең еттi сезiмнiң айқұлағы.
Көңiлiмдi қорқыныш жаншылады,
көңiлiмдi қуаныш қамшылады.
Жауды көктен сәуiрдiң тамшылары...
сәуiр, 1969 жыл