Ақын өлеңдері жинағы ✍️

Қыс кезінде сен менің түсіме ендің,
Жанарыңда жас тұрды, ішінде мұң.
Сен мені сағындың ба, ойладың ба,
Мен сені аңсадым ба, түсінбедім?..
Сол түстен соң кеудемде сезім қалды,
Сезім қалды, мінезден төзімді алды.
Айтқаныңды ұмыттым, сөзіңді әлгі...
Тұмандаған жадымда көзің қалды.
Ұмытар ем күндердің арасында
Сенен қалған көңілдің жарасын да.
Бірақ қалай ұмытам ғарышты мен
Тұнып қалған көзіңнің қарасында?..