Ақын өлеңдері жинағы ✍️

Әр көше – жыр жолы, түп-түзу.
Көліктер – қозғалған әріптер.
Қоштасу. Жете алмау. Күткізу.
Бір-бірін сүймейтін ғаріптер.
Күтпеші адамды келмейтін.
Тағдырдың тым қатал пәрмені.
Көшелер – өлеңдер өлмейтін,
жадыңа оралтар әрнені.
Қозғалма, ойланба, түсінбе...
Өзіңнің жаныңнан кім ыстық?
Жыласын ішіңде
дыбыстан қалғыған тыныштық.
Ойлама, күтпе де, зарықпа.
Ешқандай әуенге бөленбе.
Өзіңді құрметте, қадірле,
жалғызсың әлемде.