Ақын өлеңдері жинағы ✍️

Сен кімсің, Періште?
Дауыссың ба
Санамда жаңғыратын?
Сен әлде, мейірсіз жауызсың ба,
кезіксем, қан қылатын?
Сен кімсің, Періште?
Жалынсың ба ішіме түсіп кеткен?
Әлде, белгісіз дарынсың ба,
еленбей ішіп кеткен?
Сен кімсің, Періште?
Үмітсің бе түйсікте көктейтұғын?
Әлде, көрінбес пірімсің бе,
қусам да кетпейтұғын?
Сен кімсің, Періште?
Ақ бұлтсың ба
сәт сайын құбылатын?
Әлде, құр дақпыртсың ба,
әр зәлім сұғынатын?..
Кім болсаң да,
не болсаң да,
бір белгі берші, ессіз де ұғынатын!..