22.02.2022
  175


Автор: Ақберен Елгезек

МӘЛІМДЕМЕ

Жүрегімді күйретпеңдер,
Ештеңені үйретпеңдер,
Ұнамаған, ұнаған бар,
Еш нәрсені сұрамаңдар,
Көзін сүртсін жылағандар,
Көтерілсін құлағандар!
Кешіріңдер, ренжімеңдер,
Мінеген мен сынағандар.
Еш адамға ақтатпаңдар,
Еш адамға даттатпаңдар,
Еш адамға жоқтатпаңдар.
Өлеңімді жаттатпаңдар,
Тірі жанға мақтатпаңдар,
Кетіп барам, тоқтатпаңдар!





Пікір жазу