Ақын өлеңдері жинағы ✍️

Жаз да бітті, наз да бітті біздегі.
(Мұндай күйді ұнатпаймыз біз тегі).
Алақан боп аймалайды асфальтты
Қызыл-сары жапырақтар күздегі.
Су бетінде мұз елесі... сыз демі,
Ұғындырмақ болды бізге күз нені?
...Базардағы қайыршы үні қаттырақ
айқайлардан түздегі.
Аспандағы керілген нұр бойында
тыраулардың тізбегі...
Күз келіпті...
Ей, онсыз да аз ба мұң?
Менің қайғым – Жаз-бозбала боздағым.
Бір қияли түтінімен шылымның
Улап отыр басымдағы сөз бағын...