22.02.2022
166
![](/uploads/shorttexts/author_image/blxmdjgo7ie.jpg)
* * *
Ағытсам сырдың тиегін,
Ай мен күннен де киелім.
Дамылсыз айтам жар салып,
Сүйемін сені, сүйемін!
Толқытқан сырлы шердейсің,
Келтірмейсің не келмейсің!
Ғашықтығымды ғаламат,
Көзімнен неге көрмейсің?!
Алтыныңмын-ау қолдағы?
Күй кештім құстай тордағы.
Тар маңдайына дүниенің,
Сыймай кетпесем болғаны...
Мүмкін,
Ақ бұлтқа айналам -
Көз тігетіндей айналам?!
Мөлт етіп көктен тамбай-ақ,
Кірпігіңе кеп байланам...