Ақын өлеңдері жинағы ✍️

Әнін жазған Марат Омаров

Айша бибі алаулаған нұр жүзі,
Жаркыраған Шығыстың бір жұлдызы.
Батысында Тараздың тұр күмбезі –
Сұлулықтың сөнбес мәңгі үлгісі.

Қайырмасы:
Айша бибі – махаббаттың жалауы,
Айша бибі – жүректердің алауы,
Айша бибі – о-о-о-о!
Айша бибі – көңілдердің қалауы.

Айша бибі Қараханға барғанда,
Жан-жарым деп жалын атып жанғанда.
Жылан болып жеткізбеді сұм ажал,
Айша бибі қала берді арманда.

Қайырмасы.

Айша бибі – аяулы жар, асыл жар,
Аңсап өткен бірін-бірі асылдар.
Айша бибі – тарихтың нұр тарауы.
Әсем ән боп жасай берер ғасырлар.

Қайырмасы.