Балаларға арналған тақпақтар ✍️

Сымбатты, сұлу ғажап тым,
Қыздары қандай қазақтың.
Көрмесе сағындырған,
Көркімен табындырған.
Аққудай арулардың,
Жолында жаным құрбан.

Қайырмасы:
Инабат, парасаты,
Көркіне жарасады.
Ай нұры арулардың,
Таңменен таласады.

Мәрмәрдай аппақ мүсіні,
Сыйлаған үлкен-кішіні.
Жайдары жазық маңдай,
Үнінен наз ұққандай.
Қазақтың арулары-ай,
Ибалы, нәзік қандай.

Қайырмасы.

Күлкісі күміс күмбірлі,
Шолпысы бұлақ сыңғырлы.
Қазақтың арулары-ай,
Жұлдыздай жанулары-ай.
Тербетіп жүректерді,
Ән болып қалулары-ай.