Балаларға арналған тақпақтар ✍️

Балаға ана керек,
Анаға бала керек.
Қорғайтын екеуін де
Отаны – пана керек.
Батырға берен керек,
Ақынға өлең керек.
Екеуі біріккенде,
Ел күші кемелденбек.
Үлкенге иман керек,
Кішіге иба керек.
Адамдар бірін-бірі
Құрметтеп, сыйлау керек.
Жастарға білім керек,
Бәрін де білу керек.
Азамат болсаң алғыр,
Анашың: «Күнім!» – демек.
Үйіңе түндік керек,
Биіңе шындық керек.
Адамды алға бастар
Таусылмас тірлік керек.
Сол үшін талмау керек,
Биікке самғау керек.
Бойыңда бар жақсыны
Халқыңа арнау керек.