Ақын өлеңдері жинағы ✍️

Армысыздар ағайындар ардақты,
Көңілдерге шаттық күйді сыйлатын.
Сәлем бердім баршаңызға иіле,
Мен қызыңмын жалғандықты қылмайтын.

Ұлы жүзден қадам басып кеп қалдым,
Арулардың сайысына асыға.
Айдосқызы Арайлым мен боламын,
Келіп жеткен қарсыластар қасына.

Ақмаралдай ананың мен қызымын,
Жарқыраған аспандағы жұлдызымын.
Көңліңізге шуақты нұр шашатын,
Баға жетпес жап-жарық құндызымын.

Бұл байқауға бақ сынап келдім мен де,
Басты иіп киелі туған жерге.
Сәттілікті тілеймін баршаға мен,
Сыйластықпен үн қатып туған елге.
Жібек Искакова