Ақын өлеңдері жинағы ✍️

Күлім қаққан жанарыммен үн қатып,
Жүректегі өлеңіммен жырлатып.
Мен келемін, армысыздар ағайын,
Алдарыңда сәлем беру бір бақыт.

Мен де келдім бүгінгі бұл жарысқа,
Орта жүзден тараған аруың мен.
Жеңу үшін бұл жерге келіп тұрмын,
«Өнер» атты айнымас қаруыммен.

Ардаққызы боламын жүзі жылы,
Салт-дәстүрді ұстанған қыздың бірі.
Салтанаттай анам бар ақ жаулықты,
Тәнті болып қарардай жердің жүзі.

Бұл сайысқа келгенім белді буып,
Жүздескелі сіздердей жандарменен.
Ал арулар тілеймін тек сәттілік,
Кездесейік біз бірге армандармен.
Жібек Искакова