Балаларға арналған тақпақтар ✍️

Қаз, қаз .....
Қаз!
 Қаз!
Қаз басқан,
Барады адым жазбастан.
Жан-жағына ол қарап,
Басты аяғын қорғалап.
Бір,
Екі,
Үш!
Кесілді тұсау,
Тыс-с-с!
– Тəй!
Тəй!
Тəй, – дедік.
– Қолыңды еппен жай, – дедік.
Қасқа тісі қылтиып,
Тұра қалды жыртиып.
Екі қолмен қорғалап,
Қалды отыра жол қарап.
Бір, Екі,
Үш!
Кесілді тұсау,
Тыс-с-с!
Төрт,
Бес,
Алты,
Жағалады жарды.
Жеті,
Сегіз,
Тоғыз,
Қалды артында көп із.
Тағы аттады, он болды,
Жүрісі де жөнделді.
Бір,
Екі,
Үш!
Тиіспе оған,
Тыс-с-с!
 Апыл-тапыл басқаны,
Ертеңгі Күн асқары.
Болашақтың қадамы
Міне осылай басталды.