Ақын өлеңдері жинағы ✍️

Ардағым-ау!
Ардағым,
Ардағым-ау!
Өлеңіме даусымды жалғадым-ау.
Қоңыр киік секілді қарындасым.
Сая тапқан ішінен алмалы бау.
Сүйкімдісің ұлардың баласындай,
Сүйкімді ғып тұратын қанатыңда ай.
Айналайын əкешің бар кезіңде,
Болғаны жоқ қанатың талатындай.
Атады əлі шығыстан есіл таңым,
Таңдамайды қазақтың еш ұрпағын.
Шалқарұлы əкеңдей бола алмаймын,
 Шалқарұлы болсам да
Кешір, жаным!
Ақылың бар бір адам ақылындай,
Ардақ десе, Ардақсың жақыным-ай!
Еске алдырып Əсеттің əсем əнін,
Неткен ғажап əсерлі атың мұндай.