Ақын өлеңдері жинағы ✍️

Отыз екі тісі түгел алтыннан,
Алтын алқа алғандай-ақ алқымнан.
Алтын сырға,
Сақинасы тағы алтын.
Осылардың салмағынан алқынған.
Нəрестесі қолтығында көтерген,
Жолын кескен көрінгенді төтеннен.
Екі көзі еміренді «Тиын», – деп,
Қалай бұған тебіренбей өтем мен.
Кез келгеннен
ақша сұрап қол жайған,
«Қайыршы» деп кім ойлайды ондай жан.
Көзі ояу,
Көкірегі көр соқыр,
Сақта құдай адамдарды сондайдан.