Ақын өлеңдері жинағы ✍️

Көзі – от, бауыры – жаз, басы – нұрлы,
Күн барып тау артына жасырынды.
 Мен сонда елестеттім, бір кездегі,
Қоштасып кетіп қалған ғашығымды.
Күн осы қызық-ақ қой батарында,
Ақша бұлт боялды нұр шапағына.
Электр мейман болып аралап жүр,
Ауыл-үй, жұмысшылар жатағында.
Есігін ойын-үйдің айқара ашып,
Балалар жүр ауылда айқайласып.
Көлдегі жайылымнан қонақтауға,
Келеді балапан қаз тəй-тəй басып.