Ақын өлеңдері жинағы ✍️

Қараңғы жарықты көрмейді,
Қараңғы жарықта білмейді.
Қараңғы жарықты кернейді,
Қараңғы жарықты күндейді.
Қараңғы жарықты қуады,
Қараңғы жарықты ұтады.
Қараңғы жарықты туады,
Қараңғы жарықты жұтады.

 Қараңғысы ұқсайтын ымыртқа –
(Пендеге мағұлым арысы...)
Ғалам – бір қап-қара жұмыртқа,
Күн – оның ішінде сарысы.
Толып та тұратын, арып та,
Пенде – құл – халифа миятты.
Нұрлысы ұқсайды жарыққа,
Нұрсызы қараңғы сияқты...
2002.3.31

* «Егер Біз осы Құранды бір тауға түсірген болсақ, сол таудың Аллаһтан қорыққанынан бас иганін, быт-шыт болғанын көрер едің. Осы мысалдарды Адам баласы (Аллаһтың құдіретіне) ой жүгіртсін деп баяндаймыз» «Хашыр (сүргін)» сүресі, 21- аят.