Ақын өлеңдері жинағы ✍️

Керім,
Келдің қырыққа,
Пайғамбарлықпен құрдассың.
Түссең алтын құрыққа,
Қас қағым сәт тұрмассың.
Дүние тас қараңғы,
Қараңғыда қалтақтап,
Тура бетке ап молаңды,
Таяп қалдың талтақтап...
Мүрдең аузын күзетіп,
Мүмкін, үстінде отырсың.
Қоймайсың-ау тыз етіп,
Әй, соқырсың,
Соқырсың!..
Керім, қамдан!
Қалықта ән
дүниенің үстінде.
Жалғанынан жалыққан,
Ұшады екен құс түнде...
Кері-ім, қамдан!..