Ақын өлеңдері жинағы ✍️

Нан исінен сезінесің жер исін,
Жер исінен аңғарасың көр исін.
Егер жерден аңғардың ба көр исін,
Онда жалған дүниеден жерисің!
Нан исінде жер исінің бары анық,
Жер исінде көр исінің бары анық.
Нан,
Жерден соң иіскеп бақ та адамды,
Сосын жайлы ол хақ Құранға қара анық...
Ақыл, сенім, бір сырлы ойды түйісінде,
Һәм болғанмен өзгешелік киісінде,
Жермен,
Нанмен хақ Аллаһтың хақтығы ол,
Бір ұқсастық болса адамның исінде!..
Болса да адам ақылынан жоқ күткен,
Жерсіз,
Нансыз ғұмыры оның жоқ тіптен.
 Жер мен нанды игіліктеп жаратып,
Халифа еткен Хаққа құлдық еттік кем!
Жер,
Нан,
Адам ұқсасы анық иісі,
Жер мен нансыз жоқ тағы адам күйісі.
Өз иісін жер мен наннан сезген құл,
Құлдық ғұмыр сүруі шарт тиісі!
2012.1.12