09.02.2022
111
![](/uploads/shorttexts/author_image/bcfbf60b4fa8677238ad1be1a5ba8912-1000x.jpg)
ҚАП-АЙ
Екі ұшы күндіздің қараңғы,
Екі ұшы өмірдің жап-жарық.
Күндізі жұтқандай қараңды,
Өмірдің ортасында отырмын дағдарып.
Пендемін, не дауа, ғарыппын,
Жарыққа назарын салмаған.
Басы мен аяғы жарықтың,
Ортасын жарықтай алмаған!
Өмірімнің ортасын қарайтып,
Шетіне жете алмай – жарыққа,
Екі бір дүниемді тарайтып,
Анығында айналдым ғарыпқа...
Қап-ай!..
2007.1.25