Ақын өлеңдері жинағы ✍️

Бұл күнде тым қонақжай өмір деген,
Аямас сый-құрметін, төрін менен.
Жалғыз-ақ жайбарақат жатқызбайды
Тынымсыз тыпыршыған көңіл – дөнен.
Дүбір сап дүниеге жер тебіне
Кеткендей алып-ұшып ертеңіме.
Əрдайым тізгінінен қол босатпай,
Жұлқысып жүрсем керек мен, тегінде.
Əзірге түстенбедім. Қона алмадым,
Бұлаңдап үнемі алдан соны арманым.
Қиялым туғанымнан томағасыз,
Ес біліп, ер жеткелі Сонардамын.