Ақын өлеңдері жинағы ✍️

Қозғай білген көңілдің шер-шеменін,
Намыс буған, наркескен семсер-ерім.
Көнбіс тарта бастаған кедей-кепшік
Сен арқылы көтерді-ау еңселерін.
Бастай білген тар кезде тамам елді,
Алмас қылыш сардарым Аманкелді.
Ғажаптығы-ау бұл дағы қазақтың бір
Атой салған кезінде Саған ерді.
Туа білген тұрғанда аңсап елі,
Сүйем сені, Торғайдың асқан Ері.
Ескерткішің бір емес, мыңға жеткей,
Тұғыр болып даланың барша белі.