Ақын өлеңдері жинағы ✍️

«Тай теріден алдың ғой жамағатты,
Айтып ем әйел алма жолың қатты.
Қаншама мақтап сүйреп келтірсең де,
Қай жағыңа жеткізерсің жалғыз атты?»
Бұл қағытпаға Ақан дереу:
Жүсіп-ау, төрелік жоқ баяғыдай,
Төрелігің қойшының таяғындай.
Сыртымнан әр уақытта жамандайсың,
Мінезің әзәзілдің саяғындай.
Жүсіп-ау, неше мысқал басында ми,
Айдаған мал кімдікі, тігулі үй.
Қиямет өлер күнің болған шақта,
Алдыңнан Айса, Тортай болады би.
Майын мінген аттай қып қайтарарсың,
Көкшенің арқасынан шығармай ши.
Ертең сені жауаптап тексергенде,
Сол уақытта артыңнан шығар бір қи, –
деп жауап қайтарыпты.