Ақын өлеңдері жинағы ✍️

Бұл іске әумин деген байлау болды,
Көкшетау дуанында сайлау болды.
Кешегі Құлагердің шабысындай,
Тобылғы түбектен айдау болды.
Шаймұрат, Шернияздан екі мырза
Жұртына би ғой деген сайрау болды.
Шаймұрат кәміл жүйрік шыға келіп,
Жұрт оған шарын салып тойлау болды.
Шұбар ат ащы тері алынбаған
Жете алмай орта жолда шайлау болды.
Есембай Шоқтыбаймен араласып,
Бәрі сол құлын-тайдай ойнау болды.