Ақын өлеңдері жинағы ✍️

Менің тым зеріккен мұңым —
О, бәлкім, қыр асқан ғалам.
Беу, шіркін, неліктен бүгін
Ұқсайды мына аспан маған?

Мына аспан мөлдіремейді,
Бейне сұр қорғасын кеме.
«Бұлттарымт оңды» демейді,
Тоңды ғой, тоңбасын неге?

Сәулесіз бұл нендей ғалам,
Қиылып қарамайды Күн.
Тырсиды нұр бермей маған,
Оу, неге тарамайды мұң?

Жоғалды бұла таңдарым,
Мен — бүрсіз құба талдаймын.
Аспанды жұбата алмадым,
О, тіпті жұбата алмаймын...