Ақын өлеңдері жинағы ✍️

Бір жасымда қаздаң бастым,
“Тұсау” деген таудан астым.
Екі жаста еркін сөйлеп,
Еркеледім менмін деп.
Үш жасымда үлкендердің,
Сөзін ұғып, соңына ердім.
Төрт жасымда талаптанып,
Тақпақ айттым, жаттап алып.
Бес жасымда
“Сүндеттелдім”-
“Мұсылмандық міндет”, - дедім.
Алты жаста атқа міндім,
Шауып желіп, тоқтай білдім.
Жеті жаста мектеп бардым,
Ұқтым білім, еңбек барын.