Ақын өлеңдері жинағы ✍️

Армысыздар, мен келдім,
Бұл байқауға асыға.
Көктемменен бір келдім,
Қыс ызғарын жасыра.

Сәлем бердім иіліп,
Баршаңызға жамағат.
Солтүстіктің қызымын,
Қылар барға қанағат.

Ұлы жүздің қызымын,
Тек шындықты жақтайтын.
Ұқыптылық ұраным,
Өз-өзімді баптайтын.

Арманқызы Ақерке,
Болам гүлдей жайнаған.
Анам аты Құралай,
Адалдықтан таймаған.

Көктемнің бұл байқауы,
Шаттығына бөлейді.
Бүршік жарған ағаштар,
Әуенімен тербейді.

Ал арулар құлпырған,
Тек сәттілік тілеймін.
Кеш көңілді болсын деп,
Шын жүректен үндеймін.