Анекдоттар, әзілдер жинағы ✍️

Алматыдағы Көкбазардың маңайында ақын Мұзафар Әлімбай композитор Әбілахат Еспаевқа (1925–1975) кездесіп қалады.

- Әй, Әбілахат! – дейді Мұзағаң. – Сен тарихта қалатын болдың!

- Аузыңызға май... Қалайша қалмақпын? – деп сұрайды композитор.

- Кеше бір поэма бітіріп едім. Соған сені кейіпкер ретінде енгізіп жібердім.

- Мұзаға! – дейді сонда Әбілахат езу тартып. – Алдымен сол поэмаңыз тарихта қала ма? Әңгімені содан бастасақ қайтеді?