Ақын өлеңдері жинағы ✍️

Сәулелі жарығы нұрдың,
Мұнарлы сағымы қырдың.
Көз тоймас көркіңді аңсап,
Мен сені сағынып жүрмін.
Күлкіңнің үйірген ізін,
Оймақтай ойылған жүзің
Еріксіз ынтызар етер
Ерітіп көңілдің сызын.
Таға алман тал бойыңа мін,
Сан арман бар ойымда бір.
Шіркін-ай, тергізсем саған
Бақыттың сарайында гүл.
Қисынға сияр дерегім,
Тек мұның қиял демегін.
Сен қалап тұрсаң ылғи мен
Жолыңа қиям керегін.
Сезімнен күдік пен кірбің
Сейілтіп үміттендірдің.
Қалқатай, қабыл алғайсың
Сен ғашық жігіттен бір жыр!