Ақын өлеңдері жинағы ✍️

Сезімімді бағаламағаныңды,
Махаббатымды табалағаныңды,
Өзіңнен көр.
Сені шексіз сүйетіндігімді,
Сен үшін отқа күйетіндігімді,
Көзімнен көр.
Мені мұңға батырғаныңды,
Шарасыздықты шақырғаныңды,
Өзіңнен көр.
Бақытыма сені балағанымды,
Шұғыла болып тарағанымды,
Көзімнен көр.
Биік деуші едім, аласалығыңды,
Кеудеңе толған нала-сарынды,
Өзіңнен көр.
Тұңғиық сынды тереңдігімді,
Сезімге берік ерендігімді,
Көзімнен көр.
Жанымның шамын сөндіргеніңді,
Төбемнен түнек төндіргеніңді,
Өзіңнен көр.
Сені мәңгіге кешіретіндігімді,
Жібек самалдай есілетіндігімді,
Көзімнен көр...
Көзімнен көр!..