Мен өзiм де бiр кезде сенген едiм,
Ендi бүгiн жол таппай сенделемiн.
Айтарымды дұрыстап айта алмасам,
Көрiнуiм қиын-ау елге менiң.
Жете алмадым бір жолмен төтелеп те,
Кете алмадым сүрлеу сап, жекелеп те.
Өтiп жатыр тұсымнан тұлпар мiнген,
Өтiп жатыр бiрi есек жетелеп те.
Сақал шықты, жүргенде мұртқа налып,
Жүремiн бе осылай жұртта қалып.
Сарыарқаның самалын жұтайын да,
Жүгiрейiн суынан ұрттап алып...