Анекдоттар, әзілдер жинағы ✍️

Ұмытшақтық қасиет жазушы Дидахмет Әшімхановта да болса керек.

- Мен қырыққа толғанға дейін сағат жоғалтқыш болдым, – дейді ол бірде қаламгер інілеріне сырын ашып. – Мынау дүние – қырыққа толған мерейтойда Сауытбек досымның сыйлаған сағаты еді. Содан бері бес жыл өтті, шүкіршілік, жоғалтқам жоқ.

- Қалайша? – деп сұрайды әуесқой інілері.

- Өйткені бұл сағатты содан бері қолымнан әлі шешкем жоқ? – деп жауап беріпті Дидахмет.