Құттықтаулар, тілектер жинағы ✍️

Ұзатылып барасың бүгін қызым,
Болмасыншы жарығым мұңлы жүзің.
Бақ әкелсін аттаған ақ босағаң,
Тереңінен жайылып өмір гүлің.

Бізден кетіп барасың жан қызым сол,
Барған жерде әрдайым бақытты бол.
Өміріңнің базары тарқамасын,
Жаңа өмірің күн сыйлап шаттығы мол.

Қосағыңмен қоса ағар, сен күлімдеп,
Қайынжұртқа тамыр жайып, сіңіп сен.
Бұл анаңның тілегі қабыл болсын,
Саған арнап үндеген жүрегімен!