Ақын өлеңдері жинағы ✍️

Сырға толы сөзінен Түн ағардай,
Мұңға толы көзінде күнә бардай.
Жан сыздаған жүрегі іштей ұлып,
"Арсыз тәнін қара жер, Құдай алмай",

Заңдылыққа жазылған бағына алмай,
Азапты ойдан, үрейден арыла алмай.
Жаңбыр болып құйылған көз жасында,
Тағдырға айтар наласы, зары қалмай,

Көп ішілген, шегілген қасіреттей,
Қартаюға, сүюге жасы жетпей,
Өзегіне қан құйған қасиеттей,
Дүниеге айтылған өсиеттей,

Ол кетті...
Ол кетті Өмірден...