Ақын өлеңдері жинағы ✍️

Сезімді құйғызып бокалға,
Қылғытып жұтамын. Түбіне үңілем.
Бейнеңді сыйғызып түсіме жатарда,
(Сені ойлап)
Аунақшып шығамын түнімен.

Аяулы сәттерім өзіңде,
Кеудеме қысып ап, жылаған һәм күлген.
Тамшы жас іркіліп тұр әлі көзіңде,
Қосылып кетердей жаңбырмен...

Қараңғы көшеде сүрініп,
Шатастым жолдардан, адастым ізіңнен.
Бөлмеде тұр екен суретің ілініп,
Шошыдым ажарсыз жүзіңнен.

Бір әуен ойнайды нотада,
"Жалғыздық" билеп жүр менімен вальсті.
Сен жоқсың қасымда... Неліктен, о тоба!
Мен неге шарапты тауыстым?..