Ақын өлеңдері жинағы ✍️

Сөз таппай, осындайда тосыламын.
Баршаның тілегіне қосыламын.
Қызыңның қаламына құт дарытқан,
Торғайым,
Қасиетті топырағың.
Текті жан,
Тегі мәлім, текті жерден.
Тайсалмаған талайдан, ептілерден.
Ибалы анасынан тәлім алған,
Әкеден өнеге алған көпті көрген.
Қасиеті кетпеген, киесі ауып,
Құлын- тай байлаған жер, бие сауып,
Тарих боп қалар әлі шығармаңыз,
Тұрғанда қаламың мен сия сауыт.
Бетеге мен жусанды даласы аңыз,
Тектілер көп, Торғайдан, қарасаңыз.
Қазанда екеуміз де туылыппыз,
Келгенде жыл мезгілі, қараша күз.
Құтты болсын,
Құт келсін, арқай жасың!
Жаныңнан жылу кетпей, әр таймасын.
«Сандарды» қаперіңе алмашы әпке,
Көл-көсір көктем көңіл, қартаймасын.