Ақын өлеңдері жинағы ✍️

Қыран құссың көк аспанда қалықтар.
Әңгімеңнен дүйім жұртым жалықпас.
Құдай өзі бір ыңғайын келтірген,
Күзде ғана туады екен, алыптар.
Жыр арнайын, қара жаяу емеспін.
Көңілің ақ, мінездісің, ерексің.
Аллам сені қорғап жүрсін әрдәйім,
Жанұяңа және бізге керексің.
Өзіңе арнап, жыр маржаны өрілген.
Балдарыңның рахатын көр, көрінген.
Құт-береке кетпесінші үйіңнен,
Жақсы жандар орын алсын төріңнен.
Алла сенің үстем етсін бағыңды.
Жаңалығың көп болсын тек, жағымды.
Бірге өткізген кездер қандай керемет,
Сол күндерді досың бүгін сағынды.
Мейірленген пейілің де кең екен.
Мерекеге ұлассыншы мерекең.
Ел алдында үстем болып мерейің,
Еселесін берекең.