Ақын өлеңдері жинағы ✍️

Тұлпарын неге қазақ тағалайды?!
Жақсы іні, ағаларын ағалайды.
Тұрлауы тарам-тарам бұл дүние,
Жақсыны жақсы ғана бағалайды.
Шәй ішетін күн екен, үрлеп бүгін.
Құданы әурелейтін жүр деп, бүгін.
Құдай қосқан құдекем бір қуантты,
Уа елім, мен ерекше құрметтімін.
Қадірім асты екен неге менің?!
Қолынан май жалашы шөберенің.
Есімімді меншіктеп, ырым етіп,
Атыммен атапты ғой немересін.
Баласы болмайды ол, бұйырғанның.
Құдама ұлменен қыз бұйырған күн.
Құтты болсын құдамның қуанышы,
Қош келдің ұл мен қызы Мейірханның.