Ақын өлеңдері жинағы ✍️

Өнеге берген, ақылын айтып келелі.
Құйтырғы заман,
Сөзіңнің жоқ қой керегі.
Тірліктен кейде, өмірден мына баз кешіп,
Жабыққан кезде ауылға кеткім келеді.
Әкем мен анам қасында көңіл марқайып.
Тыңдаушы ем сөзін, еркелеп жатып, жантайып.
Өмір-ай деймін, сағыныш екен сол күндер,
Ақсамай тартып, қалыпты олар қартайып.
Алладан кейін табынарым солар өрелі.
Мені ойлайды, кеңестерін береді.
Ата-анасын сыйласа адам тегінде,
Сол бір сыйын ұрпағынан көреді.
«Шалдың ұлы»- дейді мені ағалар.
Аман болсын ақ жаулықты аналар.
Сыр табақтың сыны түбі кетпейді,
Қадірімді түбі ағайын бағалар.