Ақын өлеңдері жинағы ✍️

Әй ағасы,
Неге көңіл шекті мұң?!
Әзілдескен қандай жақсы кеш құрым.
Күнін кешпе өтінерім өмірде,
Қойды үркіткен, кебін киіп ешкінің.
Аталы сөз айт,
Бағың сонда ашылар.
Өрекпіген ренішің басылар.
Біле білсең ең бір пенде адамның,
Қатар жүрген,
Күліп жүрген қасы бар.
Ренішім менің де көп, жетеді.
Жырлап айтсам жасқа толар етегім.
Енді бұлай, орынсыз сөз жазсаңыз,
Көрген жерде амандаспай кетемін.
Әр адамның түзеймін деп жүрісін.
Тарылады кейде менің тынысым.
Тәп -тәуір ақ азаматсың ерекше,
Ел силаған азаматтың бірісің.
Асан қайғы, шөгер бүгін түйеңді.
Жүйелі сөз дұрыстайды жүйеңді
-Дәлел болса дәйектеп айт- ағажан,
Қарап тұрып жұртқа жақпай күйеңді.