Ақын өлеңдері жинағы ✍️

Шексіз ғарыш шетінде
жетімсірер Жер-жұлдыз.
Сол жұлдыздың бетінде
Сен жалғыз да, мен жалғыз.
Жалғыздардың әлемі?…
Сен көпшіл де, мен көпшіл?
Тор тоқиды әдемі,
Көбелекке өрмекші…
Құрай – жалғыз, мыс – жалғыз,
Жалғыз – барлық атомдар.
Құс – жалғыз
және
барлық Ақындар.
Жүрек – жалғыз, ми – жалғыз.
Шылым жалғыз шоқтанып…
Аярланған жүзіңе
Ай қарайды сұқтанып.
Бәрі – жалғыз.
Тәңір де.
Ажал – бөлек, Ар – бөлек.
Өмір мәні, тегінде,
өрмекші мен көбелек…