Ақын өлеңдері жинағы ✍️

Хатыңды алдым,
Күйіп, жандым,
Жазалапсың жазықсыз.
Өсекке еріп,
Тізгін беріп,
Ауыр бір наз жазыпсыз.
Опасыз боп,
Көзіңе шөп
Салғаным жоқ, нан маған,
Сенермісің,
Жаным түсін,
Қайтып айтсам мен саған.
Мен білемін,
Түсінемін
Естуге ауыр ондай сөз,
Жеңіл ойлап,
Кінә қоймақ,
Шын деп сенбек көрмей көз.
Шын достарға,
Асық жарға,
Лазым емес жан жарым.
Өсек сөзге,
Еріп лезде
Түңілуге барғаның,
Сенші, жарым,
Бұл шын зарым,
Антым барым өзіңе,
Ая мені,
Сүйген сені
Бір көрін, жар, көзіме.