Балаларға арналған тақпақтар ✍️

«Күлкі болу» мейрамы

Алдар Көсе - жырымыз,
Айшығымыз, туымыз.
Алдамасақ біреуді
Адыра өтер күніміз.

Тазша бала - піріміз,
Өтірікке іріміз;
Уәзірі осындай
Отыз елдің біріміз.

Бас иеміз Абайға,
Абай болу оңай ма?
Іс қыламыз пенделік
Сиынып ап құдайға.

Ата салты – заңымыз,
«Виртуалмыз», наныңыз.
Орта ғасыр кеудемен
«Нано» болмақ нанымыз.

Өркениет, еркінбіз,
Ниеті жоқ өркенбіз.
Қол шапаттап ойнаққа
Жетім ойға төркінбіз.

«Демо» күлкі, сән құрып,
Ел боламыз мәңгірік.
«Күлкі болу» мейрамы
Жасай берер мәңгілік.