12.12.2021
  254


Автор: Тілеуғазы Бейсембеков

Жеті нота – жеті өзен

Жалғыз жүріп тосылсаң,
Ісіңде жоқ берекет.
Жеті нота қосылса,
Қуаты бар керемет.

Күңіренсе жетеуі –
Көкті торлап мол тұман,
Мұхит болып кетеді,
Тебіреніп толқыған.

Елжіресе жетеуі –
Жыр төгіліп қанатты,
Тойлап таудың етегі,
Бұлақ болып ән ақты.

Даламызда сағымды
Күмбір-күмбір күй ақты.
Жетісудың ағынды
Жеті өзені сияқты.





Пікір жазу