Балаларға арналған тақпақтар ✍️

Менің інім бар еді
Р-ға тілі келмейтін.
Өзі сондай бал еді,
Бірақ тілі көнбейтін.

Көп үйретсең, қиналып,
Ұстайтын тек маңдайын.
Дос-құрбысы жиналып
Мазақтайтын әрдайым.

Бір қызықты көрдім мен
Ойда жоқта керемет.
Бөрібасарға мезгілмен
Тамақ құю керек ед.

Сүйтсем інім маңында,
Күшікпен жүр алысып.
Р-ды үйрену қамында
Ырылдайды жарысып.

Менен сасқан түрімен,
Көрді дағы тұрды ұшып.
Үйреттім деп Р-ды мен,
Еркелейді сұр күшік.