Ақын өлеңдері жинағы ✍️

Мейірімдісіз, жүрегіңіз жылу берер,
Ақ жаулықты Анашым дара тұлғаң.
Сая болған біздерге пана болған,
Қуат алам жігерлі қанатыңнан.

Жаңа жылдың ақ таңы күлімдесін,
Бар жақсысын, қуанышын сізге арнап.
Барыс жылы сыйласын тәттілікті,
Бақытқа толы күндерді сізге таңдап.

Екі мың жиырма екінші жыл әкелсін,
Жайқалып тұрған жап-жасыл арай бағын.
Асыл анам, жан анам мейірімді,
Арайлы да шуақты боп атсын таңың.