22.11.2021
165
![](/uploads/shorttexts/author_image/2021-06-21-17-52-21.png)
Телефон сымындағы ана үні
Місе тұтпай хаттардың жасық халін,
Сөз емес деп самолет асыққанын,
Даусы анамның жетеді құлағыма
Теңіздердің, таулардың басып бәрін.
Маған қарай ұшады бір құс аппақ,
Түн бүркеніп немесе Күн құшақтап.
Жіп-жіңішке сымдардың бойына сол
Лақтырады сағыныш сырды ұсақтап.
Пәк сезімін жанымның күтімге алып,
Тамырындай ауаның лүпіл қағып
Үні анамның жетеді маған ылғи
Туған үйдің тынысы сықылданып...
Гүлжауһар Сейітжан Гүлжауһар Сейітжан өлеңдері Гүлжауһар Сейітжан шығармашылығы телефон ана үні ананың дауысы